రంగారెడ్డి: సెప్టెంబర్ 17(భారత్ కి బాత్)

ఎల్బీనగర్ నియోజకవర్గం సాగర్ రింగ్ రోడ్డు వద్ద జోగు మల్లేష్ అండ్ బ్రదర్స్ ఆధ్వర్యంలో సోమవారం గణేష్ పూజ మహోత్సవం మరియు అన్నప్రసాద కార్యక్రమం ఘనంగా నిర్వహించారు. ఈ సందర్భంగా జోగు మల్లేష్ మాట్లాడుతూ 2008వ సంవత్సరం నుండి వినాయక ఉత్సవాలు ఘనంగా నిర్వహిస్తున్నామని తెలిపారు. ప్రతి సంవత్సరం అన్నదాన కార్యక్రమం నిర్వహిస్తున్నామని, ఈ సంవత్సరం కూడా 600 మందికి అన్నదాన కార్యక్రమం నిర్వహించామని అన్నారు. వినాయకుడి కృప వల్ల మేమందరం సంతోషంగా ఉన్నామని అలాగే ప్రజలందరూ కూడా ఆనందంగా ఉండాలని ఆ భగవంతున్ని కోరుకున్నామని అన్నారు. ఈ కార్యక్రమంలో జోగు మల్లేష్ అండ్ బ్రదర్స్, జోగు యాది, జోగు శ్రీనివాస్, జోగు శ్రీకాంత్, జోగు గోవిందప్ప, కాలనీవాసులు తదితరులు పాల్గొన్నారు.